Melodie: Studie auf einer Reis´.
Diese Verse fand ich auf einem sehr dünnen Stück Papier. Der Verfasser ist unbekannt.
(Vielleicht weiß jemand aus Natrup, wer der Verfasser ist? Ich vermute, dass diese Verse zu einer Hochzeit in Natrup um 1934 ersonnen wurden.)
|
In Naotrup is et wunderschön, besunners wenn de Berg is grön, Doch woll alltiet siene Arbeit hett deföllt nich es mär up an lest. Friske Luft kannst hier geneiten, In Branddiek döt klaor´t Water fleiten, Dao kennst die wasken Buk un Föt us manche drüm beneiden döt. Und dat jut helpt is längst bekennt, Et heff hier en is ungenannt, Affgenummen wuel dertig Pund drüm ist voer de Dieken recht gesund. De ennigkeit de is hier graut, In Glück sowall es auk in Naut, Doch is in Naotrup es´n Fest Dann is de Ennigkeit upt best. In Naotrup is auk mank´s Malheur, Besunners wenns sind ohne Ruens, De Jägers scheits om alle daut dat is de reinste Ruennaut. Dee Mööders haolt manks Kaffeeklastsk, Es drüge Kintauf is gedacht, Ower et bliew trotz manche Last doch menn Kinnetaufersatz. Use Naober hett nu Hochtiet makt, So het´t us nu tesamm´n bracht, doch ähr es wie willt wieder fien laot us hes dat Niest beküen. Ick wünsche nu do dütte Fest, dem jungen Paar dat allebest, Vuel Glück, vuel Siängen, un nich minner, ´ne ganze Rieg gesunde Kinner. To well mott von ju nu hieben, Fraogen, passen, Sollo spielen, Jiätten Tou nachr drächter heer dat is de Esker sein Plässeer. Upt Erntefest in´t vörige Jaohr, Har Bernhard laden rieklick schwor, He wuss nich es wu he no Hus hen kamm, De Naobers Dochter met emm gong. En Sprückwort het: Wor is Hiät von vuel, Dao flütt von öwer alltiet de Mund, He sick alltiet met´n Namen vödeih sag Pauls wenn he Änne mein. De Kreisjungbäuerin hepp wie hier, Doch man höet se willt nich blieben, Denn man höet so leise munkel se söll nao N.S. Hago funkel. An Eilkes hes´n Veeolter kamm, Bendine greip fort´s nao de Kaffeekann Doch es se keimen recht an´t küen, dao wuel he no de Wichter frien. Den Raostrups Paul is alltiet druck, Watt he anfäng dat krieg fuck, Peppelin un Auto föen, un daboie kinne Tiet fot frien. |
In Roxel, Hiltrup, Amelsbüren, Öwerall do hört man´t kuen, Int Mönsterland wao du´s menn findst Deitings Päer de Besten sind. Hier is´n Mann met vuel Talent, Deitings Öhm he sick wuel nennt, Kann singen, rieden, Theaterspielen Up. Erntefest un Wiehnachte fien. Krotozinkskis Franz is Mester wor´n, daoh is kin Lährgeld an völaoen, Öwerall wo he is west, Hört man bloß dat allebest. An Wöstmanns graute Wöske was, datt wuss ower auk de raude Bless, Se namm dat Himd up de Hörne wuel un leip de Kamp entlangs es dull. Se har sick utsocht wull dat Best, Vonn Linnen wast un Trägerwösk, De Paula mok dat garkin Spass weil´t auk nao grar ör egen was. Frau Böckenholt meck alles blank, Se schurt met Schruber, Seep und Sand, Kümpt Männeken dann met Holsk nao Hus Treckt he se vö de Döer all ut. Frau Hardt de schafft vuel Nies an, Se döt´t beküen mett öhren Mann, Doch wenn Josef sall wat halen frög he faorts woll selt betahlen. No Wien föhr enmaol Josef Hards, Ne saog sick sölvat in´n Speisesaal, Un frög de Kähl daaa ach du Scheck sind Sie dann auch aus Havixbeck. In Darfeld enmeol Hochtiet was, Denn Gerwing maok dat dao kin Spass, Moorlos laip he dann nao Hus, siene Frau de wuss nich in nao ut. Wenn ich lären willt dat föhen, mütt ich gaon nao Himkes Bröns, Denn se fört wuel in den Graben, de Dampmaschin bis an den Naben. An Bernes is´n werig Hus, De Bourshog geiht daop in un ut, De Vatte Bernes ist am lweiwsten, wenns em dot Gesellschaft leisten. Denn Weiling de is schlau genog, Es he an Himkes Hochtiet sog, To de Frau segg he, ich gaoh me´n Augenblick heer, dao wast äm wor´n morgens 4. An Bolwins kümp de Frie oft, Völobung gaft well har dat glowt, De Naobes härnt boll nich merkt, wennt Hochtiet auk hes so passert? Von us sölvst dao wiet wie nicks, of wiet ich hier´n guten witz, He brukt nich in´t Gedicht to stellen He laoten hier menn so vötellen. Un well us dütt vö Üwel nimmp, Jau, dat is´n ganz graut Kind, Wenn he kann kin Spass vödregen, lacht he sick menn wieder eägen.. |